Kreu i një prej karteleve më të mëdhenj të drogës në Azi u arrestua në Amsterdam, njoftoi BBC.

Tse Chi Lop, 57 vjeç, i kërkuar që prej disa vitesh, u arrestua nga policia holandeze me kërkesë të policisë federale australiane.

Autoritetet australiane bënë sot presion për të siguruar ekstradimin e një të arrestuari në Holandë, i dyshuar si baroni i drogës në Azi dhe një prej personave më të kërkuar në botë.

Policia nuk dha detaje për emrin e personit të arrestuar, por mendohet se bëhet fjalë për Tse Chi Lop, një kanadez me origjinë kineze, i njohur me emrin e El Chapo i Azisë, i cili drejton një perandori prej 70 miliardë dollarësh që administron trafikun e drogës në të gjithë Azinë.

Pesëdhjetë e gjashtë vjeçari, një prej personave më të kërkuar në botë, u arrestua në aeroportin e Schiphol para se të nisej për në Kanada.

Policia australiane e kërkon që prej më shumë se 10 vitesh dhe tashmë qeveria kërkon ekstradimin e tij.

Sipas policisë federale australiane ai është përgjegjës për 70% të drogës së hyrë në vend.