×
  • Lajme
  • Insajderi

    Ambasada amerikane: Kosova dhe Serbia të përmbahen nga veprimet e njëanshme

    Insajderi
    20 September 2021 - 19:30

    Ambasada e Shteteve të Bashkuara të Amerikës në Prishtinë u ka bërë sot thirrje Kosovës dhe Serbisë që të përmbahen dhe të zvogëlojnë menjëherë tensionet pas futjes së masave të reciprocitetit në targat e trafikut nga Kosova.

    “Ne i bashkohemi Bashkimit Evropian duke i bërë thirrje Kosovës dhe Serbisë që të përmbahen nga veprimet e mëtejshme të njëanshme dhe të zvogëlojnë tensionet – menjëherë, pa vonesë,” tha Ambasada amerikane në një deklaratë në Twitter.

    Zëdhënësi i politikës së Jashtme të BE-së Peter Stano tha në një konferencë shtypi sot se tensionet midis dy palëve duhet të ndalen.

    Ai tha se Kosova dhe Serbia duhet të përdorin dialogun si platformën e vetme për të zgjidhur të gjitha çështjet e pazgjidhura, përfshirë lirinë e lëvizjes.

    Shumë automjete u ndaluan sot në pikat kufitare Jarinje, Brnjak dhe Merdare, ndërsa policia e Kosovës nuk lejoi asnjë automjet nga Serbia të hyjë në Kosovë pa targa të përkohshme të lëshuara nga MPB -ja e Kosovës.

    Vendimi për këtë u nënshkrua sot nga ministri i Punëve të Brendshme të Kosovës, Xhelal Sveçla.

    Lexo edhe:

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark