×
  • Lajme
  • Aktuale

    16 orë nga krimi makabër – Policia ende nuk e ka kapur vrasësin e gruas dhe foshnjës që pritej të lindë

    Insajderi
    01 December 2022 - 09:54

    Tashmë janë bërë 16 orë që kur 35 vjeçarja, Hamide Magashi u vra pamëshirshëm nga ish-burri i saj para Klinikës së Gjinekologjisë, në QKUK. Policia e Kosovës ende nuk ka arritur të arrestoi të dyshuarin, Sokol Halilin.

    Kështu ka konfirmuar për Gazetën Insajderi, Policia e Kosova nga rajoni i Prishtinës.

    ‘Ende nuk ka asgjë lidhur me rastin’, thuhet në përgjigjen e tyre.

    Kosova të mërkurën u trondit nga një tjetër krim makabër.

    Një grua shtatzënë, që priste ta sillte në jetë foshnjën e saj, u vra mizorisht nga ish-burri, para spitalit të Gjinekologjisë së QKUK-së, aty,

    Si ndodhi rasti makabër

    35 vjeçarja që kishte qenë e shtrirë në klinik ishte në muajin e nëntë të shtatzënisë.

    Ajo iu kishte thënë infermierëve se po dilte deri te kioskat në oborrin e QKUK’së për të blerë gjëra ushqimore.

    Pasi kishte kryer blerjet, ajo ishte ulur për të pushuar pak tek ulëset në oborrin e Gjinekologjisë.

    Aty ishte shfaqur ish-bashkëshorti i saj, i cili e vrau me armë zjarri.

    Lajmin për Gazetën Insajderi e ka konfirmuar Policia e Kosovës. Në përgjigjen e tyre nuk bëhet e ditur nëse vrasësi është arrestuar.

    “Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë. Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen  e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje. Aktualisht policia në koordinim me prokurorin e  shtetit ka nisur një hetim  dhe  po vijon ndërmarrjen e të gjitha veprimeve hetimore dhe të ekzaminimit, me qëllim  sqarimin e plotë të ngjarjes”, thuhet ne njoftimin e PK-së.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark