17 shtator është dita e Pastrimit të Botës, ditë kjo që synon të mobilizojë qytetarët, institucionet e bizneset në aksione pastrimi (dhe jo vetëm), për të larguar sa më shumë mbeturina nga natyra dhe në këtë mënyrë të përçojë mesazhin për mbrojtjen e mjedisit nga ndotja.

Kësaj kampanje i janë bashkuar edhe kampionët e xhudos, nga Majlinda Kelmendi e deri tek Akil Gjakova.

Përmes një njoftimi në rrjetin social, Facebook, organizata Let’s Do It Kosova – Ta pastrojmë Kosovën i ka ftuar qytetarët që t’iu bashkohen kampionëve të xhudos për pastrimin e rrugëve.

“Kampionët janë ata që janë sot duke iu falenderuar punës së tyre, veprimeve te matura e dashurisë ndaj natyrës 🥋🏆🥇

Të gjithë ne mund të jemi kampionë. Nëse jo me Ippon atëherë me aktivizëm qytetar.

17 Shtator Dita e Pastrimit të Botës – Bashkohu me Kampionët”- shkruhej në njoftim.

Bashkohu Edhe Ti – Natyra do t’u jetë mirënjohëse!

/Insajderi. org