Policia e Kosovës ia ka sekuestruar mbi 9 kilogramë marihuanë një personi me nacionalitet serb sot në Mitrovicën e Veriut.
Pas informatave, policia ka kryer kontroll në një banesë ku dyshohej se mund të kishte lëndë narkotike.
Në atë lokacion policia ka arritur ta arrestojë 33 vjeçarin, i cili është intervistuar dhe ndaj tij është iniciuar rasti ‘blerja, posedimi, shitja ose shpërndarja e paautorizuar e narkotikëve, substancave, psikotrope ose analoge’.
I dyshuari me vendim të prokurorit është dërguar në mbajtje.
“Me aktvendim nga prokurori kompetent, i dyshuari është dërguar në mbajtje deri në 48 orë”, thuhet në njoftim.