Dy liderët shqiptarë që nuk i përballojnë mediat kritike – krijojnë televizionet e tyre personale

Dy liderët shqiptarë që nuk i përballojnë mediat kritike – krijojnë televizionet e tyre personale

Në shikim të parë, dy liderët shqiptarë, Albin Kurti dhe Edi Rama, duket se nuk kanë asgjë të përbashkët.

Madje goxha shpesh e kanë kundërshtuar njëri-tjetrin aq shumë për çështje të caktuara.

Por, duket që Kurti, në tri vitet e fundit e ka lakmuar fort Ramën, sidomos për “mënyrën e komunikimit me publikun”.

Që nga 2017, shefi i qeverisë i ka pasur fort të rralla konferencat për shtyp dhe intervistat në televizionet shqiptare.

Krejt çka ka pasur të thotë, ashtu si ka dashur ai, pa asnjë ndërhyrje ose pengesë – e ka thënë përmes kanalit të tij ERTV.

Pas këtij momenti, Rama, i cili tash e shtatë vjet e mban pushtetin ka mbyllur dhe ndjekur penalisht shumë media në Shqipëri, për shkak të përmbajtjeve që atij nuk i janë përshtatur, shkruan Gazeta Insajderi.

Për dallim nga shefi i Partisë Socialiste, lideri i Lëvizjes Vetëvendosje, në pozitë ka qëndruar për vetëm 45 ditë.

Në këto pak ditë qeverisje, televizionet dhe portalet Kurti s’i ka mbyllur, por intervistat i ka dhënë vetëm për mediat e tij të favorizuara – duke i injoruar krejtësisht dritaret tjera të informimit.

Nga dje, edhe Kurti të gjithë qëndrimet e tij politike, dhe jo vetëm, mund t’i thotë përmes kanaleve të TVV-së, në Facebook dhe Youtube – veç ky nga roli i opozitarit, shkruan Gazeta Insajderi.

Lëvizja e Kurtit ka zgjedhur këto dy media sociale për transmetim e përmbajtjeve të tyre, meqë sipas ligjeve të Kosovës, partitë politike nuk mund të pajisen me licenca nga Komisioni i Pavarur i Mediave (KPM).

Kësisoj, televizioni propagandues i subjektit politik të Albin Kurtit do të mbetet pa licencë nga organi i pavarur i cili rregullon shërbimet audio-vizuale në Kosovë.

Sipas Ligjit për Komisionin e Pavarur të Mediave, partitë politike ndodhen në “listën e zezë” të organizatave të cilat nuk mund të pajisen me licencë për transmetim televiziv.

Neni 22, paragrafi 3.1 thotë se “licenca e transmetimit nuk i lëshohet ose nuk do të vazhdoj t’i jepet: partisë politike, bashkësisë fetare, grupit ose organizatës e cila menaxhohet nga individi i cili mban post të zgjedhur ose është anëtar i një organi ekzekutiv të një partie politike”.

Krejt çka mbetët të shihet – është se kur lideri i adhuruar nga Vetëvendosje – do ta jap intervistën e tij të parë, në median e tij personale./GazetaInsajderi/

 

Lexo edhe: 

Televizioni propagandues i Albin Kurtit dhe VV-së nuk mund të pajiset me licencë

A do ta mbyllë KPM-ja televizionin e rrezikshëm për demokracinë të hapur nga VV-ja?