Reperi kosovarë Gramoz Aliu, i njohur me nofkën Mozzik është duke mbajtur tubime nëpër qytete të Kosovës, për të promovuar albumin e tij muzikor.
Reperi deri më tani ka vizituar Mitrovicën dhe Vushtrrinë, si dhe do të vazhdoj rrugën pë në Pejë, Prizren, Gjakovë dhe Deçan, duke mbledhur kështu fansat e tij në kohë pandemia.
Mozzik ka vazhduar rrugën për në qytetin e Pejës, për të takuar edhe atje fansat e tij, shkruan Insajderi.
Gazeta ka kontaktuar kryetarin e komunës së Pejës, Gazmend Muhaxherin për ta pyetur nëse reperi ka marr leje për një tubim të tillë, pasi me masat e qeverisë janë të ndaluar tubimet.
Por, Muhaxheri është deklaruar se nuk ka informacion nëse reperi ka marr leje për ta mbajtur këtë tubim.
“Nuk e di nuk jam i informuar”, ka thënë shkurt Muhaxheri.
Insajderi ka kontaktuar edhe komunën e Mitrovicës dhe Vushtrrisë, por të njëjtit nuk janë përgjigjur.
Mozzik në rrjetin social Instagram ka shpërndarë foto dhe video nga tubimet ku shihen shumë të rinjë pa maska dhe pa distancë sociale.
Me masat e reja të qeverisë tubime janë të ndaluara./Xh.Uka/Insajderi.org
Mozzik rrezikon shëndetin e qytetarëve, sfidon shtetin dhe akuzon mediat për mashtrim
XH.U