Një filxhan i këtij çaji pengon zhvillimin e tumoreve malinje

Një filxhan i këtij çaji pengon zhvillimin e tumoreve malinje

Akademia Kineze e Shkencave ka zbuluar që çajin që zvogëlon rrezikun e shfaqjes së tumoreve malinje.

Çaji oolong ka efekt të magjishëm në shëndetin e njeriut, për shkak se është i pasur me antioksidantë, vitamina dhe minerale, transmeton Telegrafi.

Ky çaj përmban mineralet si kalcium, mangan, bakër, karotene, selenium, kalium; vitaminat A, B, C, E dhe K, si edhe polifenole, kimikalie, të cilat kanë ndikim antikanceroz. Përveç këtyre, ai përmban acid folik, niacin dhe alkaloide të tjera detoksifikuese.

Çaji oolong bëhet nga e njëjta bimë si çaj i gjelbër dhe çaj i zi, i cili është pjesërisht i fermentuar. Dallimi është në përpunim.

Pirja e dy ose më shumë gotave me këtë lloj çaji mund të reduktojë rrezikun nga disa lloje të kancerit, përfshirë edhe kancerin ovarian, thuhet në studim.

Çaj Oolong është përdorur për të mprehur dhe përmirësuar aftësitë e të menduarit dhe vigjilencës. Ai është përdorur edhe për të parandaluar prishjen e dhëmbëve, osteoporozën dhe sëmundjet e zemrës.

Hulumtime të shumta tregojnë që krahas luftës kundër kancerit, kjo pije zvogëlon rrezikun nga skleroza multiplite, obeziteti, alergjia, diabeti, etj.

Çaji ka shije të ëmbël, ndërkaq më mirë është të pihet pa sheqer.

Pirja e këtij çaji ofron një sërë përfitimesh për shëndetin, megjithatë nuk duhet të pihet në sasi të mëdha nga personat të cilët janë të ndjeshëm ndaj kafeinës pasi mund t’u shkaktojë ankth, rrisë të rrahurat e zemrës si dhe tensionin e gjakut, po ashtu edhe të përkeqësojë simptomat e ulcerës.