Autori i emisionit Indoks, Visar Duriqi, ka thënë se arsyeja e arrestimit të ish-eprorit të UÇK-së, si i arrestuar i parë nga Gjykata Speciale, është rrjedhja e dosjeve nga Gjykata Speciale, përmes Serbisë, shkruan Insajderi.
Duriqi, në Kanal 10, ka thënë se e njëjta gjë ka ndodhur edhe me Tribunalin e Hagës, teksa ka theksuar që disa njerëz përmes Serbisë, i kanë sjellë në Kosovë këto dosje.
“Për shkak të rrjedhjes së dokumenteve ka ndodhë kjo, njëjtë ka ndodhë edhe me Tribunalin e Hagës, që nëpërmjet Serbisë kanë rrjedhë dokumentet. Njerëzit të cilët përmes Serbisë kanë bashkëpunuar me Gjykatën Speciale, kanë arritë me i siguruar dokumentet dhe tash po i sjellin në Kosovë. Ata janë njerëz që kanë bashkëpunim me Serbinë”, ka theksuar Duriqi.
Salih Mustafa, ish- shef i inteligjencës së FSK-së dhe ish-eprori i UÇK-së në zonën Operative të Llapit, i cili e ka drejtuar njësitit të quajtur BIA, është i arrestuari i parë i Speciales.
Ai është arrestuar mëngjesin e sotëm në shtëpinë e tij, nga Eulexi./ Insajderi.org
LEXO EDHE: