×
  • Sport
  • Sport

    VIDEO: Tifozët e Ajaxit, tubim emocional pranë shtëpisë së futbollistit të sëmurë

    Insajderi
    15 July 2017 - 19:03

    Qindra tifozë të ekipit holandez Ajax kanë organizuar një tubim emocional jashtë shtëpisë së një lojtari që pësoi dëmtime të trurit gjatë një ndeshje miqësore të klubit, javën e kaluar.

    Tifozët kanë shprehur mbështetje për 20-vjeçarin Abdelhak Nouri, i cili u rrëzua në tokë në ndeshjen miqësore ndaj Werder Bremenit, raporton BBC.

    Klubi holandez ka konfirmuar se mesfushori pësoi “dëmtime serioze dhe të përhershme të trurit”.
    Nouri, i njohur si Appie, është transferuar në një spital të Amsterdamit për trajtim të mëtejshëm.

    Në mbështjetje të lojtarit, tifozët e Ajaxit u mblodhën jashtë shtëpisë së prindërve të Nourit në Amsterdam, duke duartrokitur, ndezur flakadanë dhe duke kënduar “Appie, Appie”.

    Ai mori trajtim emergjent në fushë – në ditën e lojës – dhe u dërgua fillimisht me helikopter në një spital në Innsbruck, para se të transferohej në spitalin e Amsterdamit.

    Klubi ka thënë se nuk ka asnjë shans që ai të shërohet nga dëmi. /Insajderi.com

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark