Kryetari i Kuvendit, Glauk Konjufca,  ka folur për planin franko-gjerman ku ka treguar detaje se çka parsheh ky plan.

Ai ka folur edhe për ndryshimet në këtë plan duke thënë se nuk janë ndryshime të mëdha, siç i quajti ai “minore”.

Ndërsa pohoi se pika e dytë në këtë dokument parasheh që Kosova dhe Serbia e njohin pavarësinë e njëra tjetrës.

“Plani është final. Serbia me nënshkru sovranitetin e Kosovës, njohja eksplicite është po njohje nuk ka me notë verbale. Unë mendoj vetëm nota verbale mungon në atë dokument . Serbia nuk i çon notë verbale Kosovës që po e njeh, por së bashku me unionin evropian të tri palët e nënshkruajnë një marrëveshje në të cilën, pika e dytë atje thotë që Kosova me Serbin ia njohin sovranitetin e ndërsjellët njëra tjetrës, pavarësinë, të drejtën e popujve dhe të drejtën për vetëvendosje palëve dhe shtete funksionojnë mbi të drejtat e barabarta”, tha Konjufca.