Javë më parë, Gazeta Insajderi raportoi lidhur me një rast të dhunës në familje që kishte ndodhur në Suharekë. I dyshuari ditën që u raportua në media u ftua për intervistë nga Policia e Kosovës. Por çfarë ndodhi më tej, a u arrestua i dyshuari që përveç që ushtroi dhunë ndaj gruas tentoi ta mbyste edhe fëmijën e tij? Policia jep detajet për Insajderin.
Nga Policia për Gazetën Insajderi bën të ditur se personit të dyshuar i është vazhduar arresti shtëpiak me urdhër të prokurorit.
Ndërsa, bëhet e ditur se është iniciuar rast i ri për sulmin me bisht sëpate ndaj fëmijës.
“Për sulmin me bisht sëpate është hapur rast i ri, rasti ka ndodhur në muajin mars të këtij viti. Personi i dyshuari veç ka qenë në arrest shtëpiak, dhe me urdhër të Prokurorit pas intervistimit i është vazhduar burgimi shtëpiak” – tha Shaqir Bytyqi nga policia rajonale e Prizrenit.
Gruaja nga Suhareka, Lumnije Karaxha, në emisionin “N’Frekuencë me Robin” kishte rrëfyer se si bashkëshorti i saj, ka ushtruar dhunë ndaj saj dhe djalit 8 vjeçar.
Madje, ajo kishte bërë të ditur se ish-bashkëshorti i saj kishte tentuar ta mbys djalin e tyre duke e kapur për fyti dhe duke tentuar ta sulmonte me bisht sëpate.
Lajmi i plotë: