Adele është këshilluar të investojë në disa pajisje të mira për ta mbajtur zërin e saj brilant në gjendje të mirë, pasi thatësia rreth rezidencës së saj prej 30 milionë paund në Las Vegas mund të ndikojë te kordat e saj vokale, sipas një legjende te rock.

Vapa e thatë në qytetin e nxehtë përvëlues mund të ndikojë në kordat vokale të këngëtares fituese të çmimeve, pohoi Joe Elliott, frontmeni i “Def Leppard”.

62-vjeçari ka qendruar më parë në rezidencën e tij në Planet Hollywood Resort & Casino në vitin 2019 dhe tha se mungesa e lagështisë në shkretëtirë kishte një efekt negativ në zërin e tij.

“Më duhej ta mbushja tualetin tim me ujë të valë çdo natë dhe të vendosja kazana dhe lagështues në të gjithë vendin, në mënyrë që të zgjohesh i mbytur”, tha ai për “Daily Star”, ndërsa u ankua se klima në Sin City ishte një “vrasëse për këngëtarët”.

Muzikanti i ka kërkuar këngëtares që të investojë në disa pajisje të mira për ta mbajtur zërin e saj në gjendje të mirë, duke thënë: “Për hir të Zotit merrni një lagështues për dhomën tuaj.”

Adele ka pasur probleme me kordat e saj vokale ndër vite.Ajo iu nënshtrua një operacioni pasi pësoi një hemorragji në kordat e saj vokale në vitin 2011.

Këngëtarja u godit përsëri dhe u detyrua të anulonte dy shfaqjet e fundit të turneut të saj botëror në stadiumin Wembley të Londrës në 2017.