×
  • Lajme
  • Botë
  • Insajderi / Ballina 5

    Afro 720 të arrestuar të shtunën mbrëma në trazirat në Francë

    Insajderi
    02 July 2023 - 09:54

    Autoritetet franceze kanë thënë se 719 persona janë arrestuar mbrëmë në protestat e dhunshme në Francë. Ishte nata e pestë që u protestua që nga vrasja e të riut Nahel M., raporton BBC.

    Ministri i Brendshëm i Francës, Gerald Darmian, ka thënë se numri i të arrestuarve është më i ulët se një natë më parë.

    Është njoftuar për 45 policë të lënduar, dhe ndezjen e mbi 800 zjarreve nga protestuesit.

    Rreth 45 mijë policë janë vendosur nëpër Francë për ta menaxhuar situatën.

    Është njoftuar po ashtu se protestuesit me veturë janë përplasur në shtëpinë e kryebashkiakut të L’Hay-les-Roses, që gjendet në periferi të Parisit.

    Sulmi ka ndodhur rreth orës 01:30 të dielën, ndërsa Vincent Jeanbrun ishte në zyrë.

    Bashkëshortja e tij dhe dy fëmijët ishin duke fjetur kur protestuesit u futën nëpërmjet portave dhe ia vunë zjarrin veturës.

    Kur bashkëshortja e tij dhe fëmijët tentuan të largoheshin, ata u qëlluan me fishekzjarrë. Si rezultat është lënduar bashkëshortja dhe një nga fëmijët.

    Jeanbrun e ka quajtur këtë “tentim vrasje dhe qyqarllëk”.

    Policia ka nisur hetimet.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark