×
  • Sport
  • Sport

    Agjenti i Hysajt: Klienti im kushton 20 milionë euro

    Insajderi
    19 February 2016 - 14:58

    Futbollisti nga Shkodra është një ndër shqiptarët më të suksesshëm për momentin në botën e futbollit.

    Është  titullar  tek Napoli që është pretendent për titullin kampion në Serinë A.

    Hysaj tani mund të konsiderohet edhe si futbollisti më i shtrenjtë në historinë e Kombëtares Shqiptare të Futbollit, të paktën duke i besuar agjentit të vetë mbrojtësit të Përfaqësueses Kuqezi.

    Mario Giuffredi ndërhyri në mikrofonat e “Radio Kiss Kiss” Napoli për të folur për të ardhmen e 22-vjeçarit që u transferua verën e kaluar te të kaltrit bashkë me trajnerin Sarri.

    “ Me Hysajn Napoli bëri një operacion të denjë për futbollistët e jashtëzakonshëm. Është anësori më i mirë në Itali në krahun e tij, dhe mund të bëhet ndër më të mirët e Europës. Besoj se tani vlen të paktën katër herë më tepër se sa 5.5 milionë Eurot që Napoli pagoi në verë”, deklaroi Giufreddi.

    Duke fiksuar mbi kufirin e 20 milionë Eurove çmimin e kartonit të Hysajt agjenti i tij e shndërron mbrojtësin e djathtë në futbollistin më të shtrenjtë të Kombëtares Shqiptare.

    Mbrojtësi është pranë rinovimit të kontratës me Napolin deri më 2020, dhe pritet t’i përmirësohet dukshëm paga në kontratën e re, falë paraqitjeve të mira të treguara.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika
    Sport
    26 February 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark