Ish kryetari i Prishtinës, Shpend Ahmeti ka ironizuar me fotografin e Kurtit ku shihet duke cakërruar gotën me kreun e AAK-së, Ramush Haradinajn, shkruan Insajderi.
Përmes një postimi në Twitter, Ahmeti ka thënë se mirë që s’ka thirrur ezani në momentin kur Kurti dhe Haradinaj i kanë cakërruar gotat pasi që Kurti do të bënte një pauzë në atë moment.
“Shyqyr që nuk u thirr ezani se e kishin pauzu cakrrimin e gotave!”, ka shkruar Ahmeti.
Këtë koment Ahmeti e ka bërë marrë shkas nga momentet kur Kurti ka ndalur fjalimet e tij nëpër organizime të ndryshme në respekt të ezanit.