Një aksident hekurudhor në veri të Kajros la 11 persona të vdekur dhe 98 të tjerë të plagosur, tha Ministria e Shëndetësisë e Egjiptit ditën e sotme.
Kabineti i Egjiptit tha në një deklaratë se katër vagona të trenit që ishin drejtuar nga Kajro për në Mansoura, një qytet i Deltës, dolën nga shinat.
Dhjetëra ambulanca u dërguan në vend, shtoi ministria e shëndetësisë dhe hetuesit po punojnë për të përcaktuar shkaqet e aksidentit.
Autoritetet nuk kanë dhënë ende një arsye aksidentin.
Një burim i tha AFP se shoferi dhe zyrtarë të tjerë të hekurudhës ishin ndaluar për t’u marrë në pyetje.
Ministria tha se 14 persona që pësuan lëndime të lehta u lejuan të dilnin nga spitali.
Katastrofat hekurudhore egjiptiane zakonisht i atribuohen infrastrukturës dhe mirëmbajtjes së dobët.
Të paktën 20 vetë vdiqën dhe 199 u plagosën muajin e kaluar në një përplasje treni në jug të vendit.
Prokuroria ka pretenduar se drejtuesi i një treni dhe ndihmësi i tij ishin larguar të dy nga kabina e shoferit kur u përplas me një tren tjetër.