Emisioni “Natë Vere” në T7 ka përmbyllur suksesshëm sezonin e parë. Nata finale u përmbyll me befasi për moderatorët dhe stafin që punuan me përkushtim.

Moderatori Andi Artani u përlot në studio pasi u surprizua nga prindërit e tij.

Nëpërmjet një videoje ata i treguan atij se sa krenarë ishin për të arriturat e tij.

“Jam shumë krenar me të me të arriturat e tij deri më sot. Besoj se ka me arrit shumë më shumë në të ardhmen”, tha babai i tij.

“Në T7 si moderator ka bërë një punë e mahnitshme dhe na ka befasuar. Suksese të mëtutjeshme”, shtoi nëna e tij.

Rikujtomë se emisioni ka filluar nga 12 korrik të këtij viti.