Tre anëtarë të forcave të sigurisë kanë vdekur në përleshjet në shtetin Sinaloa pas arrestimit të një djali të mbretit famëkeq meksikan të drogës “El Chapo”.

Ovidio Guzman-Lopez, vetë supozohet se ishte një udhëheqës i ish-kartelit të babait të tij, u kap në Culiacan dhe u transferua në Mexico City.

Anëtarët e tërbuar të bandës ngritën postoblloqe rrugësh, u vunë flakën automjeteve dhe sulmuan një aeroport lokal.

Dy avionë u goditën me armë zjarri, njëri ndërsa përgatitej të ngrihej raporton BBC, ndërsa më shumë se 100 fluturime u anuluan në tre aeroporte të Sinaloas.

Guvernatori i shtetit tha më herët se 18 persona ishin në spital duke marrë ndihmë mjekësore.

Guzman-Lopez, i njohur si “Miu”, akuzohet se ka udhëhequr një fraksion të kartelit famëkeq Sinaloa të babait të tij, tha Ministri i Mbrojtjes Luis Cresencio Sandoval. Është një nga organizatat më të mëdha të trafikut të drogës në botë.

Babai i tij, Joaquín “El Chapo” Guzmán, po vuan një dënim të përjetshëm në SHBA pasi u shpall fajtor në vitin 2019 për trafik droge dhe pastrim parash. Gjyqi i tij zbuloi disa nga detajet brutale se si funksionojnë kartelet e drogës në Meksikë.