U raportua nga mediat serbe për arrestimin e një qytetari të nacionalitet serb në Kosovë në pikën kufitare të Jarinjes ndërsa tashmë u konfirmua edhe nga Policia e Kosovës, shkruan Insajderi.

Ndonëse media serbe që operojnë edhe në Kosovë provuan t’i binin borisë së propagandës duke e paraqitur për gjoja arrestim me motiv etnik, Policia e Kosovës njoftoi se i dyshuari kërkohej mbi dyshimet e bazuara për përfshirje në veprat penale si; krim i organizuar, marrje e mitos dhe keqpërdorim i autorizimit.

Njoftimi i Policisë së Kosovës:

Komunikatë për media

Prishtinë, 28 mars 2023

Sot, në orët e mbrëmjes në pikë kalimin kifitar Jarinje,  është ndaluar një mashkull kosovar (M.J.), mbi bazën e urdhërarrestit aktiv të lëshuar nga Gjykata Themelore.

I dyshuari kërkohej mbi dyshimet e bazuara për përfshirje në veprat penale si; krim i organizuar, marrje e mitos dhe keqpërdorim i autorizimit.

Të gjitha veprimet dhe procedurat e mëtejme, do të ndërmerren në bashkëpunim dhe koordinim me organet e drejtësisë.