×
  • Lajme
  • Insajderi / Insajderi

    Arrestohen gjashtë persona në Lipjan, nën dyshimin për vjedhjen e 150 mijë eurove

    Insajderi
    28 November 2022 - 21:02

    Gjashtë persona kanë përfunduar në pranga të hënën pasi Policia e Kosovës i arrestoi ata nën dyshimin për vjedhje të rëndë.

    Sipas forcave të rendit, personat e arrestuar dyshohet se një ditë më parë kanë kryer një vjedhje e cila konsiderohet të kapë vlerën e 150 mijë eurove.

    “Rasti ka ndodhë në Janjevë, saktësisht në një objekt (punëtori), ku të vjedhura janë raportuar gjësende që arrijnë vlerën rreth 150000 euro: pjesë të makinave për përpunimin e plastikës, mjete të ndryshme të punës, 10 kallëp të metalit për përpunimin e plastikës, 8 ngrohëse që shërbejnë për shkrirjen e plastikës, 5 pompa të ujit, 1 trafo e rrymës/furnizues për makinën e shkrirjes së plastikës të cilat janë gjetë dhe sekuestruar nga ana e policisë” – thuhet në njoftim.

    Tre nga personat e arrestuar, pas përfundimit të procedurave të nevojshme policore,  janë dërguar në mbajtje, ndërsa tre të tjerët janë liruar në procedurë të rregullt, ndërkohë që hetuesit  me vendim të prokurorit, i kanë dorëzuar gjësendet e sekuestruara, pronarit legjitim, njoftoi policia.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark