Mbrëmë janë arrestuar tri gra nën dyshimin se kanë kryer veprat penale “Mundësim ose detyrim në prostitucion, ofrimin e lokaleve për prostitucion dhe bashkëkryerje”, shkruan Insajderi.

Rasti ka ndodhur në rrugën Ali Vitia në kryeqytet.

Të dyshuarat janë dërguar në mbajtje për 48 orë. Njëra është shtetase e Kosovës dhe dy të tjerat nga Shqipëria.

“Lidhur me rastin është kontrolluar edhe një lokal dhe në cilësi të provave materiale janë sekuestruar: tre telefona celularë dhe një fletë me shënime. Të dyshuarat pas intervistimit me vendim të prokurorit janë dërguar në mbajtje për 48 orë, rasti vazhdon të hetohet”, thuhet në raport.