Policia e Kosovës ka njoftuar se ka arrestuar një person të dyshuar për veprën penale “Sulm në tentativë” në Mitrovicë.

Sipas njoftimit të Policisë, i dyshuari S.A dyshohet të ketë kanosur ankuesen M/K/Sh pas një mosmarrëveshjeje.

“Bazuar në hetimet fillestare dhe sipas deklaratës së ankuesit M/K/Sh, bëhet e ditur se pas një mosmarrëveshje ishte kanosur nga personi i dyshuar. Lidhur me rastin janë ndërmarrë veprime të nevojshme hetimore me ç’ rast është identifikuar dhe arrestuar i dyshuari S. A, 38 vjeçar, shtetas i Republikës së Kosovës.”, bën të ditur Policia.

Siç njofton Policia, rasti është iniciuar dhe është duke u hetuar për veprën penale “Sulm në tentativë”.

Ndërkaq, të dyshuarit pas intervistimit, me urdhër të prokurorit, i është caktuar masa e ndalimit policor.