Një person është arrestuar dje në Podujevë, pasi dyshohet se ka shitur rrejshëm mjaltë industriale, duke e prezantuar si mjaltë natyrale.
Policia ka bërë me dije se dje janë kontrolluar dy lokacione. Janë gjetur 652 kavanozë me mjaltë industriale dhe janë konfiskuar.
Në vendin e ngjarjes ka dalë edhe inspektori i AUV-it i cili ka konstatuar se malli është i pasigurt dhe është bërë asgjësimi i mallit në vendngjarje.
Pas intervistimit i dyshuari është liruar, shkruan Insajderi.
“Podujevë 07.09.2022 – 18:20. Pas një pune hetimore është identifikuar i dyshuari mashkull kosovar , i cili ka shitur mjaltë industrial me prejardhje të papërcaktuar, duke e prezantuar si mjaltë natyral. Në koordinim me prokurorin dhe gjyqtarin është bërë kontrolli i dy lokacioneve ku janë gjetur 652 kavanozë me mjaltë industrial. Në vendin e ngjarjes ka dalë edhe inspektori i AUV-it i cili ka konstatuar se malli është i pasigurt dhe është bërë asgjësimi i mallit në vendngjarje. I dyshuari pas intervistimit me rekomandim të prokurorit është liruar dhe rasti procedohet në procedurë të rregullt”, thuhet në raport.