Një filxhan çaj jeshil në ditë, mund të jetë kure efikase në trajtimin dhe parandalimin e alergjive ndaj ushqimeve, shkruan Dailymail.

Shkencëtarët kanë gjetur se në çajin e gjelbër gjendet një sasi e lartë e antioksidantëve, që i forcojnë mekanizmat kundër alergjive të ushqimeve. Më shumë se 40% e çajit të gjelbër përbëhet nga bakteria Flavonifractor plautiit. Kjo baktere sipas shkencëtarëve mund të inhibojë veprimin e inflamacionit, ndihmon në uljen e tensionit të gjakut dhe në rregullimin e peshës.

Ky studim është kryer nga shkencëtarët e universitetit Shinshu në Nagano, një regjion i Japonisë, I cili prodhon produkte vendore natyrale, duke përfshirë edhe çajin e gjelbër. Besohet se ky vend për këtë arsye ka jetëgjatësinë më të madhe në Japoni, popullsia e tij ka më së pakti sëmundje dhe shërbimet shëndetësore nuk janë dhe shumë të nevojshme.

Sipas studimit të publikuar në revistën shkencore Frontiers in Imunology, çaji i gjelbër përpos benefiteve të tjera, ka ndikim edhe në luftimin e alergjive ndaj ushqimit dhe pijeve.