Për fansat e “Game of Thrones”, Arya ishte një nga personazhet më të dashur të serialit.

Maisie Williams, e cila u bë e famshme për rolin e saj në serial,  tre vjet pas përfundimit të prodhimit, bëri një  zbulim tronditës për jetën e saj.

Aktorja e re ka folur me lot në sy për vitet e fëmijërisë dhe ka pranuar se nuk e ka pasur aspak të lehtë.

Siç ka thënë ajo, babai i saj e ka abuzuar që në moshën 8-vjeçare.

“Kur isha fëmijë i vogël, kisha një marrëdhënie traumatike me babanë tim”, tha ajo fillimisht për podkastin e Steven Barlett, “Ditari i një CEO”, duke shtuar, “Nuk dua të ndalem shumë në të sepse prek vëllezërit e motrat e mia dhe gjithë familjen time”.

siç përshkroi më vonë, ajo kishte probleme me gjumin që në moshë të re.

“Ndoshta kjo më ka shkatërruar vërtet fëmijërinë. Për aq kohë sa mbaj mend, e kam pasur shumë të vështirë të fle dhe mendoj se kurrë nuk e kam kuptuar se shumë nga gjërat traumatike që po më ndodhnin ishin faji im”, shpjegoi ajo.

Vetëm mësuesja e saj e kuptoi se diçka po ndodhte në familjen e “Aryas”.

Siç tha aktorja, ajo vazhdonte ta pyeste për gjëra të ndryshme, gjithmonë deri në pikën që e bënte të kuptonte se kishte një problem në shtëpinë e saj.

“Ajo më pyeste nëse ha mëngjes dhe unë i thosha jo. Pastaj më pyeti gjëra të tjera dhe madje thirri nënën time në shkollë. Ajo erdhi dhe më mori menjëherë. Ishte e vetmja herë kur të gjitha dyert u hapën papritur dhe gjërat ishin në vend. Por nuk e kuptova”, thotë Maisie Williams sot.

Ndonëse prej vitesh ajo nuk e kishte kuptuar se ajo që ndodhi nuk kishte lidhje me të, por ishte vetëm faji i babait të saj, tashmë ajo e ka kuptuar seriozitetin e situatës.
“Të jem e sinqertë, kam menduar shumë për këtë. Nuk kam faj që më kanë ndodhur këto gjëra të këqija kur kam qenë fëmijë. Mendova se ishte kështu” , thekson ajo në mbyllje.