Deputeti i Listës Guxo, Haxhi Avdyli, ka dalur para gjykatës lidhur me akuzën për mosdeklarim të pasurisë.

Çuditërisht seanca u mbyllë për publikun edhe pse vepra penale nuk kishte ndonjë sekret që zakonisht gjyqtarët e përdorin për të mbyllur seancat.

Deputeti Avdyli mosdeklarimin e pasurisë e arsyetoi me faktin e pandemisë, raporton Betimi për Drejtësi.

“E para, e nderuara gjykatëse, kemi të bëjmë me një vit i cili ka qenë vit i pandemisë edhe ju e dini si ka qenë, gjykatat s’kanë punu, por edhe në furrë s’kena mujt me shku. Kjo është ajo domethënë që duhet ta merrni parasysh me rrëzu këtë aktakuzë”, ka thënë i akuzuari Avdyli.

Gjithashtu, ai tha se ka qenë fizikisht në Agjencionin për Parandalimin e Korrupsionit (APK), por nuk e kishin lejuar të hyjë brenda për shkak të pandemisë.

“Edhe Agjencioni nuk m’kanë leju me hy brenda, edhe domethënë me arsyetimin që nuk lejohet për shkaqe të pandemisë, kurse në derë shkruan “Në raste të veçanta edhe mund të pranohet”, ka deklaruar tutje Avdyli.