15:52 - 26 Shtator 2022

Avokati Idajet Beqiri u shpreh gjatë një interviste se Ilir Meta, përmes rrethit të tij të krimit, e ka kërcënuar me jetë pasi avokati depozitoi dy dosje në SPAK ndaj Metës për pastrim parash, korrupsion, vjedhje të floririt etj.

Beqiri tha se Ilir Meta është organizatori i vjedhjes së Thesarit të Shtetit në tunelet e Krrabës, duke shtuar se floririn e vjedhur e ka çuar në Qipro dhe Zvicër.

Duke iu referuar dy kallëzimeve në SPAK për ndërhyrjet estetike të familjes Meta me para të pista dhe vjedhjes së floririt, Beqiri shprehu bindjen se Meta do të arrestohet.

-Avokat Beqiri, Sali Berisha eshte thirrur ne SPAK bashke me dhendrin dhe kupolen e tij te mbrojtjes per aferen e ish-Klubit Partizani, mendoni se do kete arrestime? Apo swrish Berishes nuk do i hyje “gjemb” ne kembe si gjithmone?

Av. Idajet BeqiriKoha e pandëshkueshmërisë së kriminelëve të rrangut të lartë, koha kur Berisha me bandën e tij e hiqte prej hunde drejtësinë dhe e nëpërkëmbëte atë sipas dëshirës së tij, ka vdekur. Berisha dhe familja e tij, e zhytur thellë në krime, në korrupsion, në vrasje etj, tashmë duhet të jap llogari para ligjit, duhet të marrin dënimin e merituar, duhet t’u kthejnë shqiptarëve vlerën e gjithçkaje që ju kanë grabitur përmes krimit. Kjo ka nisur të ndodhë dhe shumë shpejt do të shohim prapa hekurave të burgut, krahas pecogrosëve të tjerë të mëdhenjë të krimit në Shqipëri, edhe dy kokat më të mëdha të tij Berisha-Meta dhe familjet e tyre të inkriminuara gjerë në fyt.

-Arben Kraja se fundmi ka deklaruar se per Sali Berisha po hetohet edhe per Gerdecin, besoni se ka prova SPAK?

Av. Idajet Beqiri: Gërdeci është krim qeveritar. Gërdeci është krim kundër sigurisë kombëtare të Shqipërisë. Gërdeci është masakër kundër një pjese të popullsisë shqiptare me motivin e pasurimit të Familjes së ish Kryeministrit Sali Berisha. Provat janë të plota për të ndëshkuar ashpër Sali Berishën, Shkelzen Berishën, si vrasës masiv të 26 personave dhe për gjymtimin e 300 të tjerëve, por që ligjërisht quhet vrasje me paramendim mbetur në tentativë. Rishikimi dhe rigjykimi i kësaj çështje do të çojë pas hekurave edhe bashkëpunëtorë të tjerë, duke filluar nga ish ministri i mbrojtjtjes, ish ministri i drejtësisë etj me radhë.

-Keni paralajmeruar se dispononi informacione “bombe” per Ilir Meten, po pergatisni tjeter padi? Mund te jepni detaje te tjera, pasi keni permendur se fundmi se jane 43 afera korruptive te kreut te PL?

Av. Idajet BeqiriIlir Meta është personifikimi i krimeve më të rënda shtetërore dhe qeveritare që janë kryer në Shqipëri. Ai dhe bashkëshortja e tij e kanë konsideruar Shqipërinë si çifligun e tyre dhe kanë bërë krimet më të rënda dhe korrupsionin më të madh. Ata bënë një garë të heshtur me Familjen e Sali Berishës se kush do të ishte më i pasur, duke grabitur pasuritë kombëtare të Shqipërisë dhe të shqiptarëve. Ilir Meta ia kaloi në korrupsion ustait të tij Sali Berisha vetëm te vjedhja e floririt të Gërdecit, sepse mori një sasi monedhash turke nga Tuneli i Krrabës shumë më të madhe se sa vodhi Sali Berisha në 24 mars 1997 dhe i depozitoi në Qipron Turke. Ndërsa monedhat e tjera të floririt i çoi në Zvicër me badigardin e tij, i cili më pas ndërroi jetë në një moshë fare të re! Ilir Metës do t’i hapen një e nga një edhe të 39 dosjet e tjera të korrupsionit, të grabitjeve të pasurive të shqiptarëve por edhe të vrasjeve me pagesë që ka bërë për interesat e tij të korrupsionit të shkallës së lartë, deri të qejfëmbetjeve mizerabële të një cubi ordiner! Dosja e radhës është grabitja që u ka bërë 740 hektarëve tokë të shtetasit Kastriot Guri në Berat… dhe më pas SPAK dhe shqiptarët do të kenë në dorë dosjet e tjera të mbushura me prova, me fakte dhe me të vërteta për gjëmëbërjen që i ka bërë këtij vendi ky kryemafioz i pandëshkuar dhe fuqiplotë në Shqipëri.

-SPAK ka regjistruar padine tuaj per trajtimet estetike te çiftit Meta-Kryemadhi, mendoni se do i shkoje deri ne fund kesaj çeshtjeje?

Av. Idajet Beqiri: SPAK e ka nisur procedimin penal. Provat janë të plota dhe akuza do të kthehet shumë shpejt në kërkesë për gjykim. Gjykata e posaçme kundër Krimit të Organizuar dhe Korrupsionit do e ketë të lehtë t’u japi dyshes famëkeqe Meta-Kryemadhi dënimin e merituar, sepse ka qysh në këtë moment pohimin me zë, me figurë, para të gjithë shqiptarëve, të vet Monika Kryemadhit, e cila e zënë me presh në dorë, nuk pati mundësi të “fuste minaren në thes”!

-Si i komentoni thirrjet per revolta masive te dyshes Meta-Berisha?

Av. Idajet Beqiri: Janë zëra që vijnë nga honi i shpellës së të vdekurve! Klithje për shpëtim nga ndëshkimi pa kthim pas të krimeve që kanë bërë. Kërkojnë ndihmë për të shpëtuar kokën e tyre prej atyre që ju kanë dhënë “kocka”, ose edhe “thela” të majme, sipas “kontributit” që ka dhënë sejcili prej tyre si pjesë e grupit të strukturuar kriminal të krijuar nga Berisha-Meta. I duan në sheshe, në protesta, për t’u thënë institucioneve të drejtësisë në Shqipëri, por posaçërisht SHBA dhe partnerëve të tjerë ndërkombëtarë, se kjo “bandë” kriminale ka mbështetje dhe është në gjendje të bëjë destabilitetin e radhës në Shqipëri! Janë jashtkohorë, nuk bëhen më shqiptarët dhe Shqipëra mish për top në mbrojtjen e tyre nga krimet e rënda që kanë kryer. Ndaj do të dështojnë, sikurse dështoi me turp para disa ditësh Ilir Meta në majë të plehrave!

-Ilir Meta vazhdon te shantazhoje dhe kercenoje Autoritetin e Dosjeve, nga se ka frike ish-presidenti?

Av. Idajet Beqiri: Janë shantazhime dhe kërcënime donkishoteske! Dosja e tij, e cila e implikon si spiun të ish Sigurimit të Shtetit, është zyrtare. Ajo përbënë “sekret shtetëror” dhe si e tillë është ruajtur me kujdes, siç i ruan çdo shtet serioz në botë sekretet e veta.

Ajo dosje i nxiu jetën Ilir Metës për 32 vjet me radhë, sepse ja tundi para fytyrës Sali Berisha, sa herë që Ilir Meta bënte ndonjë “vickël” për të nxjerrë këmbët e gjarpërit nga “rrethi”!

Autoriteti i Dosjeve, i cili ka në krye një zonjë të vërtetë, me integritet të lartë njerëzor dhe profesional, e cila u zgjodh me ndikimin dhe këmbënguljen e drejtpërdrejtë të Ilir Metës, i bindur se, nëse i delte nëpërkëmbë dosja e tij, ajo do e mbulonte, duke e bërë kështu hesapin “pa anxhinë”, është në të drejtën dhe në detyrën e vet ligjore, ndaj dhe nuk ja bënë tërrë syri nga shantazhimet dhe kërcënimet e Ilir Metës.

-Keni marre kercenime pas denoncimeve te fundit qe keni bere ne SPAK?

Av. Idajet BeqiriBanda kriminale e Ilir Metës është shumë e rrezikshme. Ata kanë dhënë prova se, po ju fute shkopin në folenë e grezave ku qëndrojnë për 32 vjet me radhë, po i hape petët lakrorit të helmuar me krime të rënda të tyre, të shantazhojnë, të kërcënojnë dhe së fundi edhe të vrasin!

Çdo ditë kam marrë dhe vazhdoj të marrë kërcënime, shantazhime dhe kanosje serioze për vrasje. Në rrjetet sociale po e po, por disa të shkapërdhyer nga trutë e kokës, edhe në rrugë. Shantazhe bënë edhe vet Ilir Meta në ekranet e disa televizioneve.

Të kesh qënë kryetar shteti, Kryeministër etj etj dhe të flasësh si shpifës ordinerë, si shantazhues i pa cipë, në vend që të thuash: “Zoti Beqiri bëri detyrën e tij si qytetar para një organi serioz të akuzës së Shtetit, siç është SPAK. Ai beson në sa më ka kallëzuar. Unë do e bind me prova organin e akuzës që akuza ndaj meje nuk qëndron…”!

Mirpo vet mënyra e reagimit të çiftit Meta-Kryemadhi tregojnë të qënurit e tyre të korruptuar nga maji i thoit, deri te buzët, koka, veshët dhe floku! Ky vend nuk mund të qëndrojë më peng i këtyre autorëve madhor të ktimit të organizuar dhe korrupsionit të lartë shtetëror.

Kjo luftë për të shpëtuar Shqipëria dhe shqiptarët nga pengmarrja e tyre, nga krimet e tyre, ng vrasjet e bijëve të pafajshëm të këtij vendi, do të ketë edhe viktima.

Nuk kam asnjë frikë prej kësaj gjëje, i bindur tashmë se shqiptarët janë zgjuar bukur mirë dhe nuk do ta ndalin veprimin qytetar për të shpëtuar vendin dhe popullin nga Banda më e rrezikshme e krimeve 32 vjeçare Berisha-Meta.