08:52 - 12 Qershor 2021

Në dhjetor të vitit 2017 ishte bërë një tentim vrasje në rrugën UÇK në qytetin e Pejës. Babi dhe djali kishin shtënë në drejtim të dhëndrit të tyre.

Këtë rast që ka ndodhur para katër vitesh, viktima e ka raportuar gjatë ditës së djeshme në Policinë e Kosovës, shkruan Gazeta Insajderi.

Viktima kishte treguar se ai ishte qëlluar me armë zjarri sa ka qenë në veturë.

“Rr. UÇK-së, Pejë dhjetor 2017-NN.  Me 11.06.2021 viktima mashkull  kosovar ka raportuar se në dhjetor 2017, pas një mosmarrëveshje, dy të dyshuarit  babai dhe vëllai i bashkëshortes së tij, të dyshuarit meshkuj  kosovarë,  kanë shtënë me armë zjarri në drejtim të tij derisa ka qenë në veturë”, thuhet në njoftimin e policisë.

Nga ky tentim vrasje viktima kishte pësuar edhe lëndime trupore. 

“Si pasojë, i nijeti kishte pësuar lëndime trupore dhe i ishte dëmtuar vetura (sipas deklaratës së tij). Rasti vazhdon të hetohet”, thuhet në njoftim. /Insajderi.org