×
  • Lajme
  • Lajme / Kosovë

    Babai i Naim Murselit: Mendoj që e ka pas një presion për ta eliminuar Liridonën

    Insajderi
    05 December 2023 - 23:13

    Shaban Murseli, babai i Naim Murselit i cili tashmë gjendet në burg për përfshirjen e tij në vrasjen e Liridona Ademajt, ka folur sërish lidhur me këtë ndodhi, që tronditi gjithë opinionin.

    Babai i Naim Murselit dyshon se “ai ka pasur një presion për ta eliminuar Liridonën”.

    “Unë mendoj…e ka pasë ky një presion por prej kujt nuk e di. Mund të jetë sekret… që është dashtë me eliminu”, është shpreh Murseli për Opinion.

    Murseli ka thënë gjithashtu se gruaja e tij, është e traumatizuar pas asaj që ka ndodhur.

    “Gruaja ka qenë më e lidhur se unë me Liridonën. Vazhdimisht flisnin në telefon”, tha ai.

    Murseli gjatë kësaj bisede po ashtu ka thënë se ditën kur është rivarrosur në fshatin Rracaj, Liridona Ademaj, ky i ka bërë thirrje familjes së saj që të marrë pjesë në ceremoni, porse ka marrë përgjigje negative.

    Vrasja e Liridonës tronditi vendin, sepse bashkëshorti i saj, Naim Murseli, u arrestua si i dyshuar për organizimin e vrasjes së saj.

    Fillimisht, u raportua se Liridona u vra gjatë një grabitjeje, por prokuroria dyshon se bashkëshorti i saj, Naimi, e organizoi vrasjen, siguroi armën për dorasin dhe premtoi 30 mijë euro shpërblim.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark