Ballkani ka marrë një tjetër fitore në Superligën e Kosovës.

Skuadra kampione në fuqi, Ballkani ka mposhtur Malishevën me rezultatin 2:3.

Mysafirët e gjetën veten në disavantazh qysh në minutën e 1’, kur Agon Xhaka kaloi Malishevën në epërsi.

Mirëpo, kampionët reaguan qysh në pjesën e parë. Në minutën e 44’, Krasniqi gjeti golin për 1:1.

I njëjti shënoi golin e përmbysjes, kur në minutën e 57’ shënoi për 1:2.

Golin e tretë për Ballkanin e shënoi Meriton Korenica, në minutën e 74’, kure rezultati final u vendos nga Maliqi në minutën 90+3′, i cili shënoi për 2:3.

Me këtë fitore, Ballkani shkoi në kuotën e 15 pikëve në pozitën e dytë, me dy pikë më pak sesa Drita që ka një lojë më shumë. Drita sonte luan ndaj Prishtinës.

Malisheva mbetet në pozitën e tetë në tabelë, me shtatë pikë.