×
  • Sport
  • Sport

    Bayern nuk arrin ta transferojë “sozinë” e Boatengut

    Insajderi
    03 February 2016 - 12:24

    Huazimi i qendërmbrojtësit Serdar Tasci nuk ishte zgjedhja e parë e Bajernit në merkaton e janarit për mbrojtjen. Si përgjigje për dëmtimet e Jerome Boatengut dhe Javier Martinezit, krerët e klubit bavarez nuk kishin ndër mend ish-lojtarin e Shtutgartit, por një emër tjetër nga Bundesliga.

    Një ditë më pas, mediet gjermane zbulojnë se Bajerni donte John Brooks-in nga rivalët e Herthës së Berlinit. 23-vjeçari është bërë më shumë i pjekur këtë sezon me kryeqytetasit, duke u shndërruar në një titullar absolut në qendër të mbrojtjes.

    Bruks bind me ndërhyrjet e sakta, lojën pozicionale dhe shpejtësinë e tij. Kur e sheh, ai të kujton kampionin e botës, Jerome Boateng.

    Padyshim që Brooks do të kishte qenë një zgjidhje interesante për Bajernin, duke marrë parasysh edhe moshën e tij të re. Bashkë me Boatengun, ai do të kishte formuar një dyshe të respektueshme. Problemi ishte Hertha e Berlinit, që vendosi të besojë edhe më shumë te qendërmbrojtësi dhe i rinovoi kontratën deri në vitin 2019.

    Kështu, bavarezët u detyruan të kontrollonin për emrin më të mirë të mundshëm në dy ditët e fundit të merkatos dhe zgjodhën ish-lojtarin e kombëtares gjermane, Tasci.

     

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark