Bayernin e urren një pjesë e madhe e Gjermanisë dhe ky është fakt, por askush s’e ka menduar që ka edhe ish-bavarezë të pakënaqur me kampionët e shumëfishtë të Bundesligës.

Mbase pikërisht kjo e fundit është arsyeja kryesore e ndjesisë negative që klubi nga Bavaria përcjell te të tjerët.

Kështu, ish-kampioni i botës Thomas Berthold, i cili ka luajtur me Bayernin nga viti 1991 deri në vitin 1993, nuk mban mend asgjë të mirë nga rekordmenët.

Në një video të titulluar “Pse Bayern?”, ai flet kundër ish-skuadrës së tij. Fillimisht Berthold thekson sa e mërzitshme është Bundesliga.

“Nuk ju duket e mërzitshme të fitosh çdo fundjavë duke mos pasur asnjë rival dhe të shpallesh kampion me 20 pikë diferencë?” – ka thënë ai.

Berthold ka vazhduar duke thënë se nuk e kupton se si mund të jesh tifoz i Bayernit , kur klubi nuk i zhvillon vet lojtarët por të gjithë i blen.

“Bayerni nuk zhvillon lojtarë të vet, por blen më të mirët nga klubet e tjera. Kjo është arrogancë e pastër! Vetëm shihni drejtuesit e tyre, Rummeniggen dhe Sammerin. Me të vërtet doni të jeni si ata?”, deklaroi Berthold.