Teksti i shfaqur gabimisht në ekranin e BBC-së gjatë më të rejave në garën e French Open, ku shkruhej ‘Manchester United është m**’ është fshirë menjëherë dhe nga mediumi është kërkuar falje për këtë lëshim.

Prezantuesja e lajmeve në BBC, Annita McVeigh, iu tha shikueseve: “Në mëngjesin e hershëm ndodhi diçka e pazakontë, ku një shkrim në fund të ekranit doli aksidentalisht, ku dikush ishte duke ushtruar se si ta përdorë shiritin e lajmeve, dhe personi në fjalë ishte vetëm duke provuar.”

“Ju kërkojmë falje nëse e keni parë dhe jeni ofenduar nga kjo, falja shkon edhe për tifozët e Manchester United të cilët mund të jenë ofenduar nga kjo. Ishte një gabim dhe assesi nuk do duhej të shfaqej. Kjo ishte çfarë ndodhi, dhe ne menduam se më e mira ishte ta shpjegonim se si ndodhi.”