×
  • Lajme
  • Botë
  • Lajme / Botë

    BE me masa të reja kundër abuzimit seksual ndaj fëmijëve

    Insajderi
    08 June 2020 - 11:10
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Komisioni Evropian reagon në luftën kundër abuzimit seksual ndaj të miturve me një paketë masash parandaluese dhe penale për vendet e BE. Me këtë planifikohet “një strategji e gjerë për një luftë efektive kundër abuzimit e shfrytëzimit seksual të fëmijëve”, tha eurokomisionerja suedeze e Çështjeve të Brendshme, Ylva Johansson për gazetën gjermane “ELT”.

    Sipas Johannson planet parashikojnë një sërë iniciativash dhe masash ligjore. Këto masa i përgjigjen kështu kërkesave nga Parlamenti Evropian dhe shtetet anëtare për më shumë ndjekje penale dhe parandalim. Nuk mund të mbështetemi vetëm tek strategjitë e parandalimit, paralajmëron Johansson. Ajo theksoi se “ligjet tona duhet të të veprojnë kur ato shkelen, dhe duhet të tregojnë, se vlerat tonë, vlejnë si në internet ashtu edhe në jetën reale.”

    Për këtë është e nevojshme një bashkëpunim më i ngushtë i koncerneve të internetit. Sipas saj interneti është për fat të keq një “faktor vendimtar” për kërkimet që bëjnë kriminelët për viktima të reja.Përveç kësaj parashikohet edhe një qendër e BE-së për mbrojtjen më të mirë të fëmijëve, e cila do të mbështesë shtetet anëtare në hetimin, parandalimin, luftimin e abuzimit seksual me fëmijët, si përmes bashkëpunimit, ashtu edhe shkëmbimit të informacionit.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark