Kandidati nga Partia Demokratike e Kosovës për kryetar të Mitrovicës, Bedri Hamza, ka prezantuar projektin modern infrastrukturor.

Hamza përmes një video në Facebook ka treguar se ky projekt do të modernizoj rrugët “Lah Nimani” e “Evlia Qelebia” në këtë komunë.

“Kjo zonë parashihet të ketë shteg të biçikletave, parkingje, ndriçim dhe shumë gjelbërim. “Ky është projekti që modernizon rrugët “Lah Nimani” e “Evlia Qelebia” dhe e bën atë zonë me infrastrukturë të kompletuar, me shteg të biçikletave, me parkingje, ndriçim dhe plot gjelbërim”, ka shkruar Hamza.