Ish-sulmuesi i Arsenalit Benik Afobe, mendon që do të shënonte gola edhe te Arsenali po ti jepej mundësia.

Afobe gjatë afatit kalimtar të janarit kaloi nga Wolves tek Bournemouth në Premier Ligë dhe në tre ndeshjet e fundit ka shënuar nga një gol.

Anglezi 23 vjeçar është rritur në akademinë e Arsenalit deri sa klubi londinez pas disa huazimeve në divizione më te ulëta te futbollit anglez, vendosi ta shiste atë përfundimisht tek Wolves.
Por, pas paraqitjeve të mira ai arriti të kthehej në Premier Ligë këtë vit, duke u ambientuar mjaft mirë tek Bournemouthi.

Afobe nuk ndien zili që nuk është ende pjesë e Arsenalit por thotë që do të paraqitej mirë edhe tek ‘topçinjtë’.

“Unë besoj që do të kisha shënuar gola për ata”, tha ai. “Kjo temë ka përfunduar, unë nuk jam atje tani për tani dhe nuk ndiej zili që të jem pjesë e Arsenalit”, përfundoi sulmuesi anglez.

Afobe ka qenë në një gjeneratë me futbollistët e tanishëm të Arsenalit Jack Wilshere dhe Francis Coquelin edhe në akademi të klubit, me të cilët arriti të fitonte trofeun e FA Cup për junior në vitin 2009.