×
  • Lajme
  • Botë
  • Lajme / Botë

    Biden “humb” në skenë: Pamjet e publikuara së fundmi shqetësojnë votuesit e tij

    Insajderi
    11 June 2024 - 14:50
    Klikoni Këtu për t'u bërë pjesë e kanalit të Insajderit në Youtube.

    Joe Biden u shfaq i humbur dhe i hutuar pasi mbaroi fjalimin në Konferencën e Shtatë të Fondit Global, tregojnë pamjet e publikuara rishtazi.

    Pas fjalimit, 81-vjeçari u largua nga podiumi i pasigurt se ku të shkonte.

    Ai dukej se po pyeste dikë në audiencë se çfarë duhet të bënte pastaj, para se të përpëlitej në mënyrë të sikletshme rreth skenës.

    Drejtori Ekzekutiv i Fondit Global, Peter Sands, tha “Faleminderit, zoti President” nga një tjetër podium, duke bërë që Biden të kthehej drejt tij në mënyrë të befasishme.

    Kritiku i Bidenit dhe kongresmeni republikan Matt Gaetz ndau klipin në X, ish-Twitter, të hënën, duke shkruar: “Ai po e bën përsëri…”

    Pyetjet u ngritën nëse Biden do të jetë në gjendje të qëndrojë edhe katër vjet në Zyrën Ovale në mes të një fushate presidenciale të mbushur me gafa.

    Pamjet e shpërndara gjerësisht në mediat sociale treguan se Biden kërkonte vendin e tij për t’u ulur edhe të enjten, gjatë ceremonisë së Ditës D në Francë të enjten.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark