Zëvendskryeministri i Kosovës Besnik Bislimi  me rastin e shënimit të 28 nëntorit, së bashku me një pjesë të kabinetit qeveritar, kanë bërë homazhe tek varrezat e familjes Jashari në Prekaz.

Bislimi tha se do të punojnë 365 ditë të çdo viti, në mënyrë që të realizohet amaneti i komandatit Adem Jashari.

“Kemi ardhur këtu bashkë me Qeveri e Kuvend, në vendin ku me mirë se gjithkund dëshmohet sakrifica jonë në këtë ditë të rëndësishme. Jemi krenarë për të gjithe ata burra dhe gra, që për dekada e shekuj kanë punuar palodhshëm dhe me vetmohim për të gëzuar në këtë liri që sot e kemi. Por në të njëjtën kohë si Qeveri e Republikës së Kosovës,  zotohemi se për 365 ditë të cdo viti, do të punojmë që zotimet e komandantit legjendar Aadem Jashari, përfundimisht të realizohen”, tha ai.