Portieri i kombëtares së Kilit dhe bashkëlojtari i Lionel Messit te Barcelona, Claudio Bravo shpreson që futbollisti më i mirë në botë do të luajë ende me Argjentinën.

Pasi e mposhti Argjentinën me skuadrën e tij kombëtare Kilin, Bravo nuk kaloi pa komentuar edhe deklaratën e fuqishme që lëshoi mbrëmë Messi, i cili tha se do të pensionohet nga kombëtarja Argjentinase.

Portieri që fitojë dorezën e artë, si portieri më i mirë në Kupën e Amerikës tha se Messi është futbollisti më i mirë në botë, njofton Goal.com.

“Ne e dimë kualitetin që ka ai. Ai është futbollisti më i mirë në botë”, tha ish-portieri  i Real Sociedadit. “Unë shpresoj që ai të vazhdoj të luajë për Argjentinën në vitet e ardhshme”.

Messi u shpreh i dëshpëruar pas disfatës në finalen e Kupës së Amerikës, duke thënë se humbja e katër finaleve rresht me kombëtaren argjentinase e bën të vështirë vazhdimin me Argjentinën. /Insajderi.com