Selvete Grajqevci-Pllana, kryesuesja e Bordit të Komisionit të Pavarur për Miniera dhe Minerale, përmes një deklarate ka treguar afërsinë e saj me pushtetin e Lëvizjes Vetëvendosje.
“S’kam pasur kurrfarë lidhje, burri ka qenë më herët si anëtar i LVV-së, kam aplikuar edhe më herët, nuk kam ardhur në shprehje. Unë ndoshta si simpatizuese se kurrgjë tjetër më LVV-në nuk kam”, ka thënë ajo në Kallxo Përnime, transmeton Gazeta Insajderi.
E njëjta po ashtu ka deklaruar se para që emri i saj të shkojë në Kuvend për miratim, ajo ka pasur një takim me kryeministrin Albin Kurti.
“Kemi qenë në një bashkëbisedim, nuk ka qenë as intervistë, kanë qenë 5 minuta, tha vetëm CV juaj po më intereson. I tregova që kam punuar në KEK, me profesion jam juriste. Unë i thash që mendoj që në përputhje me Ligjin për miniera kam me i zbatu të gjitha dispozitat e parapara në ligj”, ka thënë tutje ajo, shkruan Gazeta Insajderi.
Lexo edhe:
Takimin me kryeministrin përpara se të votohen në Kuvend e kanë konfirmuar edhe anëtarët Gani Maliqi, Jahir Gashi dhe Gani Kastrati për Kallxo Përnime, përcjell Gazeta Insajderi.
Këta të fundit bashkë me Rrezarta Pushkolli-Makolli dhe Selvete Grajqevci-Pllana janë emëruar në bordin e KPMM-së në seancën e 6 dhjetorit 2021./Gazeta Insajderi/