×
  • Lajme
  • Lajme / Kosovë

    Caktohet seanca e radhës ndaj Dardan Krivaqës e Arbër Sejdiu për vrasjen dhe dhunimin e Marigona Osmani

    Insajderi
    11 October 2022 - 12:03

    Me datën 26 tetor do të mbahet seanca gjyqësore e radhës për vrasjen dhe dhunimin e 18-vjeçares nga Ferizaji Marigona Osmani.

    Kjo është seanca e dytë që nga ngritja e aktakuzës për vrasjen e vajzës nga Ferizaj, të akuzuar janë ish i dashuri i saj Dardan Krivaqa dhe shoku i tij Arbër Sejdiu.

    Për Gazetën Insajderi e ka konfirmuar avokati i familjes së Marigonës, Gazmend Rexhepi, i cila tha se seanca do të mbahet me 26 tetor nga ora 10:00.

    “Po seanca do të mbahet me datën 26.10 nga ora 10:00”, tha Rexhepi.

    Në korrik të këtij viti Dardan Krivaqa dhe Arbër Sejdiu kanë dalë para gjykatës, ku Krivaqa u pa i veshur me jelek antiplumb.

    I akuzuari Dardan Krivaça e ka shfrytëzuar të drejtën të mbrohet në heshtje, kur është pyetur nga gjykatësi lidhur me akuzat që rëndojnë ndaj tij për vrasje të rëndë dhe dhunim ndaj 18 vjeçarës Marigona Osmani e cila u vra mizorisht gushin e vitit të kaluar.

    “Nuk jam në gjendje të flas” – kishte thënë Krivaqa.

    Kurse Arbër Sejdiu, u deklarua i pafajshëm në seancën fillestare të mbajtur të enjten në Gjykatën Themelore në Ferizaj.

    “Ndihem i pafajshëm, nuk i pranoj veprat penale që më ngarkohen”, tha Sejdiu në fjalën e tij.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark