Ish-trajneri i Realit të Madridit, Fabio Capello, pas shkarkimit nga posti i trajnerit të Rusisë, po shijon një periudhë pushimesh në shtëpinë e tij në Lugano të Zvicrës

Gjithsesi për shkak të ndikimit që ka pasur në futbollin evropian gjatë karrierës së tij si trajner, mendimi i tij për çështje të caktuara gjithmonë konsiderohet i vlefshëm

Italiani, i cili ka fituar titullin kampion në La Liga me Realin në sezonin 2006-2007 u shpreh se Ronaldo “Fenomeni” ka qenë lojtari më i mirë që ka stërvitur gjatë karrierës së tij si trajner, edhe pse në atë periudhë braziliani peshonte 96 kg, njofton ‘Daily Mail’, raporton Insajderi

Në një intervistë të gjatë për mediat spanjolle, i pyetur për aftësitë që ka Zinedin Zidan për të drejtuar Realin, 69-vjeçari u shpreh se Zizu ka karizmën e duhur për të punuar me yjet e futbollit.

“Unë tani jam në pension dhe Fiorentino Perezit nuk i pëlqen të komunikojnë me trajnerët që kanë punuar me të tjerë presidentë të Realit. Nuk ma ka kërkuar mendim për emërimin e Zidan.

Ai dëshiron të jetë ai që vendos për gjithçka dhe nuk i kthehet së shkruarës. Zidan është me pak eksperiencë, por ka karizmën e duhur, që është shumë e rëndësishme për trajner

I duhet dhënë më shumë kohë sepse duke punuar me futbollistët do të zhvillohet ditë pas dite”, deklaroi ish-trajneri i shumë skuadrave evropiane./Insajderi.com