Pas situatës së krijuar në veri të vendit ditën e djeshme ministrja e Drejtësisë, Albulena Haxhiu, tha se janë për keqardhje dhe të turpshme qëndrimet e subjekteve opozitare. Derisa shtoi se vendimet e Qeverisë janë të drejta dhe të ligjshme.

Lidhur me postimin e Haxhiut, sot ka reaguar nënkryetarja e PDK-së, Vlora Çitaku përmes një postimi në Facebook.

Nënkryetarja e PDK-së shkroi se Kurti po e personalizon situatën në veri, derisa ministrja e Drejtësisë po fajëson opozitën.

Ajo theksoi se diskursi përçarës i ndihmon vetëm armiqtë e Kosovës

“E nderuara qeveri, nga kriza me sindikatat deri tek kriza në marrëdhëniet me aleatë, ju jeni pronarë të (pa)vendimeve. Por edhe gabimeve” – thuhej ndër tjerash në reagimin e Vlora Çitakut.

Reagimi i plotë:

Ministrja e Drejtesise sulmon opozitën.

Kryeministri personalizon krizën e krijuar.

E nderuara qeveri, nga kriza me sindikatat deri tek kriza në marrëdhëniet me aleatë, ju jeni pronarë të (pa)vendimeve. Por edhe gabimeve.

Diskursi përçarës i ndihmon vetëm armiqët e Kosovës