I pari i komunës së Prishtinës, Shpend Ahmeti bën thirrje për kujdes të shtuar rreth situatës së Pandemisë me COVID-19.

Ahmeti thotë se shtetet fqinje po ballafaqohen me numra alarmante të virusit.

Kryetari Ahmeti duke bërë lidhshmërinë e situatës së Pandemisë COVID-19 me shtetet fqinje ka theksuar se Kosova duhet të anojë në anën e kujdesit.

“Duke marr parasysh rrezikun dhe lidhshmërinë me shtetet fqinje, duhet të anojmë në anën e kujdesit. Posaçërisht pas rritjes së numrave tek ne në mbi 130 në ditë. Disa mund të jenë pasojë e hapjes së shkollave, por tani ekziston edhe rreziku i bartjes së virusit edhe më shumë nga shtetet fqinje. Udhëtimi pa viza mund ët jetë edhe një prej arsyeve pse shtetet fqinje kanë më shumë infeksione tani”, ka shkruar Ahmeti.