Trajneri i Ballkanit, Ilir Daja është duke folur në një konferencë për media në prag të ndeshjes me Zalgirisin.

Ballkani dhe Zalgiris do të përballen të martën mbrëma me fillim nga ora 20:00 në stadiumin “Fadil Vokrri” në kuadër të rrethit të parë kualifikues në Ligën e Kampionëve, raporton Demokracia.com.

Trajneri shqiptar u pyet në konferencë për afatin kalimtar të verës.

“Hapi i parë i merkatos ka qenë që lojtarët që fituan titullin të rinovonin kontratën. Kemi lojtarë me cilësi të mirë. Asnjëherë trajneri nuk është i kënaqur me merkaton. Do japim rrugën disa lojtarëve të rinj. Ballkani do të mendojë për vitet e ardhshme. Kemi nevojë për merkato”, tha Daja në konferencë për media.

I pranishëm në këtë konferencë për media të Ballkanit është edhe kapiteni i skuadrës, Edvin Kuç.