Presidenti i ShBA’së, Joe Biden, u deklarua pas rrëzimit të balonës spiune kineze, për çka shkurtazi tha se e ka dhënë vetë udhërin por se Pentagoni vendosi që të pres deri të kalojë mbi ujë, raporton Insajderi.

“Të mërkurën, kur më njoftuan për balonin, urdhërova Pentagonin ta qëllojnë, të mërkurën, sa më parë të jetë e mundur. Ata vendosën, që për të mos e dëmtuar askënd, në tokë, vendosën që koha më e mirë për ta bërë këtë ishte kur të kalonte jashtë mbi ujë”, tha Joe Biden.

“Brenda një kufiri prej 12 miljesh ata e rrëzuan me sukses. Dua t’i komplimentoj pilotët që e bënë. Do të raportojmë më shumë pak më vonë”, tha presidenti ameirkan.

Shtetet e Bashkuara kanë rrëzuar një balonë të dyshuar spiune kineze që kishte fluturuar mbi vende të ndjeshme ushtarake në të gjithë vendin.

Pamjet televizive treguan një shpërthim të vogël përpara se balona të fillonte të binte drejt Oqeanit Atlantik në brigjet e Karolinës.

Kur u pyet për avionin të shtunën, presidenti Joe Biden u tha gazetarëve “ne do të kujdesemi për të”.

Avionët ushtarakë amerikanë u panë duke fluturuar në afërsi dhe anijet u vendosën në ujë për të kryer operacionin e rikuperimit.

Administrata Federale e Aviacionit (FAA) dhe Roja Bregdetare punuan për të pastruar hapësirën ajrore dhe ujin poshtë balonës teksa ai arriti në oqean.

Zyrtarët synonin të caktonin kohën e operacionit në mënyrë që të mund të rikuperonin sa më shumë mbeturinat që të ishte e mundur përpara se të fundoseshin në oqean.

Pentagoni kishte vlerësuar më parë se çdo fushë mbeturinash do të ishte e konsiderueshme./Insajderi/