Ish-deputeti i Kuvendit të Kosovës, Fadil Demaku, një ndër të akuzuarit në rastin “Drenica 2”, për rrahje e tortura ndaj civilëve gjatë luftës, ka thënë se rasti ka qenë i montuar.
Sipas tij, kjo është bërë vetëm e vetëm për të vazhduar misioni i EULEX’it në Kosovë.
Më herët, Demaku ka deklaruar se të akuzuarit në rastin “Drenica 2” janë “dënuar me dëshminë e një dëshmitari”.
Sipas Demakut, personi që i ka akuzuar ka probleme mendore, sikur edhe familjarët e tij.
Ai ka treguar se të akuzuar në rastin “Drenica 2” ishin dhjetë persona, të cilët janë dënuar me 40 vjet burgim.