×
  • Lajme
  • Lajme

    Deputeti i akuzuar për korrupsion kritikon qytetarët për mungesë patriotizmi

    Insajderi
    27 April 2017 - 23:57

    Deputeti i Partisë Demokratike të Kosovës, Shukri Buja, ndaj të cilit në shkurt të këtij viti, Prokuroria Speciale e Republikës së Kosovës ka ngritur aktakuzë për shfrytëzim të detyrës dhe autoritetit zyrtar, ka vendosur që të mbajë leksione patriotike.

    Ka akuzuar se jo çdo shqiptar i është gëzuar lirimit të Haradinajt nga gjykata e Colmarit në Francë.

    “Haradinaj duhet të pritet me ceremoni shtetërore, në mënyrë shtetërore duhet t’i bëhet edhe mbrojtja që nuk po e shohim sa duhet. Dhe nuk është gëzuar çdo qytetarë i Kosovës, pasi në Kosovë ka plotë njerëz, portale e të tilla gjëra, që e shajnë UÇK-në dhe ka të tillë që me padurim e kanë pritur ekstradimin e tij”, ka thënë Buja në Klan Kosova.

    Insajderi kishte sjellë në detaje se për çka akuzohet Buja.

    Një truall i blerë në ankand publik nga ATK-ja, e destinuar si tokë industriale në Lipjan, nuk i hynte në punë biznesmenit Fahri Retkoceri. Ai donte ta ndërtonte një objekt banimi aty. Por këtë se lejonte ligji. E kryetari i Lipjanit atë kohë, Shukri Buja, e ndryshoi destinimin e kësaj toke. Kjo i mundësoi biznesmenit që të filloj investimin e tij. Për këtë edhe Buja edhe biznesmeni do të përballen me drejtësinë. Kjo është historia e tokës 8 hektarë që iu shndërrua destinacioni për përfitime personale.

    Buja ndryshoi planin urbanistik që t’i lejonte biznesmenit të ndërtojë banesa në vend të fabrikës

     

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark