Sergei Gridin, 20-vjeçar i rekrutuar në ushtrinë ruse ka kryer vetëvrasje në një kazermë afër Moskës, pasi mësoi se komandantët e tij donin ta dërgonin për të luftuar në Ukrainë, raporton portali rus Meduza.

Gridin shërbeu shërbimin e detyrueshëm ushtarak në ushtrinë ruse, dhe familja e tij konfirmoi për dy media të pavarura ruse se ka kryer vetëvrasje, transmeton Telegrafi.

Në një kanal në Telegram që ndjekë mobilizimin, është bërë e ditur se kufomën e tij e kanë gjetur të rekrutuarit e tjerë, ku pranë kufomës ishte gjetur edhe një letër lamtumirëse, në të cilën kërkohej hetim për eprorët e tij (që e çuan drejt vetëvrasjes, vepër kjo e dënueshme në Rusi).

Të rekrutuarit e kanë fotografuar letrën lamtumirëse, kurse familja e Gridin ka konfirmuar se bëhet fjalë për shkrimin e tij.

Komandantët në kazermë sekuestruan letrën, e cila më vonë siç raporton Meduza është zhdukur nga dokumentacioni zyrtar.

Në letër, Gridin shkruan se komandantët planifikonin ta dërgonin në Ukrainë. Kur u kërkoi ta linin të qetë, komandanti dhe rreshterët e Gridinit filluan ta keqtrajtojnë.

“Nuk dua dhe nuk do ta përshkruaj atë që më bënë ato kafshë, por nuk mund të jetoj me këtë. Vendimin e mora të vdes këtu, në atdheun tim, pa gjak në duart e mia”, thuhej në letrën lamtumirëse të Gridinit

In the Moscow region, a conscript committed suicide because he did not want to fight in Ukraine

The conscript left a suicide note. He said that the command wanted to send him to Ukraine. He asked his commander not to send him to the war, after which they started mocking him. pic.twitter.com/Ml6cQI5AyS

— NEXTA (@nexta_tv) February 15, 2023